sut mae'n gweithio
sut mae'n gweithio
sut mae’n gweithio
Mae ein rhwydwaith pwrpasol yng Nghonwy yn fwy cysylltiedig nag y byddech yn ei sylweddoli. Rydyn ni wrth law i ddarparu’r arbenigedd, y gefnogaeth arbenigol a’r arweiniad sydd eu hangen arnoch, pryd bynnag y bydd eu hangen arnoch.
Rydyn ni yma i chi bob amser.
gwell gyda’n gilydd
Mae Maethu Cymru Conwy wedi ymrwymo i gefnogi plant lleol yn ein gofal, eu teuluoedd maeth a’r gweithwyr proffesiynol sy’n gweithio gyda ni.
Rydyn ni’n gallu cynnig cymaint o gefnogaeth oherwydd ein bod ni’n un o 22 o sefydliadau nid-er-elw ar draws Cymru. Rydyn ni’n rhannu ein harbenigedd ag Awdurdodau Lleol eraill i sicrhau bod ein gofalwyr yn gallu bod y gorau y gallan nhw fod.
beth sy'n ein gwneud ni'n wahanol?
Maethu Cymru yw’r rhwydwaith cenedlaethol o dimau maethu’r Awdurdodau Lleol yng Nghymru. Rydyn ni’n darparu’r arweiniad a’r gefnogaeth leol sydd eu hangen arnoch ynghyd ag arbenigedd ein tîm cenedlaethol.
Mae’r ffaith ein bod ni’n canolbwyntio ar y gymuned leol yn golygu ein bod wedi ymrwymo i helpu plant i aros yng Nghonwy. Dydyn ni ddim eisiau iddyn nhw golli cysylltiad â ffrindiau a theulu, rydyn ni am iddyn nhw gadw mewn cysylltiad. Dyna sy’n ein gwneud ni’n wahanol.
Rydyn ni bob amser yn rhoi pobl yn gyntaf. Fel sefydliad nid-er-elw, mae’r holl incwm rydyn ni’n ei dderbyn yn cael ei roi i’n gwasanaethau a’n timau i sicrhau ein bod yn gwneud popeth o fewn ein gallu i’r plant yn ein gofal.
rhagor o wybodaeth am maethu cymru conwy:
